Carmina Burana

Við skötuhjú (verð að fara að gera eitthvað í þessu skötuhjúabulli) skelltum okkur á tónleika í Langholtskirkju í kvöld að hlusta á nokkra sameinaða kóra flytja verk Carl Orff, Carmina Burana. Einsöngvarar voru Bergþór Pálsson, Diddú og Þorgeir Andrésson.
Það er skemmst frá því að segja að þessir tónleikar voru æðislegir, tónleikar sem byrja og enda á O Fortuna geta bera verið ógleymanlegir, þvílík gæsahúð!


Fann þetta á youtube, hljóðgæðin eru ekki góð en ég fékk samt gæsahúð við að setja þetta í gang : )



Verð að bæta því við að á bekknum fyrir framan okkur var kona á mínum aldri (stelpa) sem sofnaði þegar að c.a. 10 mín voru búnar af tónleikunum og svaf til enda, stóð engu að síður upp og tók þátt í standandi uppklappinu sem fór fram, en ég gat ekki annað en vorkennt ræflinum fyrir að borga 3000 kr fyrir svona snilldar tónleika og sofa þá svo af sér líkt og hún hefði sofnað yfir hádegishléinu á Sjónvarp Alþingi : )

En áður en við fórum á tónleikana skelltum við okkur á veitingastaðinn Madonna á Rauðarástíg og fengum okkur að borða.
Góður matur, flott þjónusta og kósý húsnæði lögðu grunninn að frábæru kvöldi.
Hér er daman að skoða matseðilinn.