Svekktar baunir !

Fyndið hvað gamlir kúgarar eru hörundssárir :)


Sænska húsgagagnakeðjan IKEA níðist á Dönum í nafngiftum sínum á húsgögnum og húsbúnaði, að því er segir í frétt Nyhedsavisen í dag. Þar er bent á að fallegustu húsgögnin, svo sem leðursófasett og hægindastólar, séu mjög gjarnan nefnd eftir sænskum bæjum og falleg rúm fái norsk bæjarnöfn. Gólfmottur, smáteppi og gólfefni hjá IKEA heiti hins vegar dönskum nöfnum.

Blaðamaður Nyhedsavisen segist hafa farið ítarlega yfir nafngiftir í IKEA bæklingnum og komist að því að IKEA geri í því að níðast á Dönum með þessum hætti.

Hann bendir í þessu sambandi á leðursófann Stockholm, hægindastólinn Karlstad og borðstofuskenk sem heitir eftir sænska bænum Torsby. Norðmönnum sé líka sómi sýndur með því að láta falleg rúm heita eftir bæjarnöfnum eins og Tromsö og Hemnes.

Óæðri söluvörurnar hjá IKEA fá dönsk bæjarnöfn, eins og gólfmotturnar Köge og Sindal, teppi sem heiti m.a. Bröndby, Nästved, Helsingör og Roskilde. Botninum sé þó náð með því að kalla gólfundirlag Nivå.

“Það er of mikil regla í þessu til að það geti verið tilvljun,” er haft eftir Klaus Kjøller, lektor í samskiptafræðum við Kaupmannahafnarháskóla. “Þetta getur aðeins verið stríðni gagnvart Dönum,” segir hann og kannski njóti Svíar þess að fótumtroða gömlu herraþjóðina. “Kannski er lítil klíka í nafnagiftadeildinni hjá þeim, sem ástundar hryðjuverk gegn Danmörku.”

Þess er getið í lok fréttarinnar að önnur af tveimur klósettsetum IKEA heitir Öresund, eftir sundinu milli landanna. Sagt er að tveir Svíar sjái um öll vöruheitin og þess sé gætt að þau megi ekki vera stuðandi í því 31 landi sem IKEA er með verslanir í.

Lausleg athugun á vörulistanum leiðir í ljós að nokkur nöfn gætu verið íslenskrar ættar: Blómavasinn Pryda, Orgel lampinn, Hulda, sem er púði og motta, Isdans rúllugardínan og svo stólsessurnar Norna, Ingolf og Lenda.

Ég tók þetta af eyjan.is