Nokkrar myndir frá Florida.

27.Jan.
Oft voru einu "skýin", skilaboð um ást frelsarans skrifuð af trúuðum manni með flugréttindi.
29.Jan
Dagný ræðir málin við afa sinn.

Grannar.
30.jan
Í Universal garðinum sem var flottur en ekki fullkominn.

Eins og sönnum íslending sæmir var maður búinn að slá í gegn fljótlega og voru tímaritin fljót að sjá talent í sólbrunnum víkingi : )
31.jan
Svavar á teig, við vorum svo óheppnir að vera nánast eingöngu með vatnssækna bolta í pokanum þennan dag : )
Systkynin voru sátt í blíðunni.1.feb
Ahhhh....loksins fékk maður nýju kylfurnar og eina að auki fyrir M2.
2.feb
Þetta einkennilega kvikindi var eitthvað að spóka sig á golfvellinum.
4.feb
Þetta er hann Tim sem ásamt Bob voru með okkur tengdapabba í holli á hinum æðislega Legents golfvelli . Völlurinn var hannaður af Arnold Palmer og var hrikalega flottur.
Hér eru tengdapabbi og Bob að undirbúa pútt.
Eins og sönnum könum sæmir voru þeir félagar ekkert að reyna að leggja á sig að bera fram nöfnin okkar Svavars, heldur kölluðu Svavar "snoop dogg" og mig "fiddy cent" : )
Ég spurði Tim hin hressa af hverju hann segði "fiddy" en ekki fifty og útskýrði hann þá fyrir mér að blökkumenninir í Detroit þar sem hann á heima segja alltaf "fiddy".
Þeir félagar eru harðir á að koma á klakann í sumar eftir að ég sagði þeim frá því að það væri bjart allan sólarhringinn í júlí.
Þeir sögðust munu hringja í mig þegar þeir kæmu og tók ég vel í það, sagði þeim að "fiddy" væri í símaskránni : )



5.feb
Við Dagný fórum í göngutúr um hverfið, morguninn sem við fórum heim svona til að drekka í okkur síðustu geislana fyrir frostið.
Dagný er búinn að koma sér upp þessu fína myndabrosi : )

Og þannig var nú það.
Í heild frábær ferð sem setti næga sól í hjartað til að duga mér fram á sumarið.